دورة البرمجيات فى مؤسسة الخزامى الخيرية إلى أين؟

بسم الله الرحمن الرحيم
السلام عليكم ورحمة الله وبركاته
طبعا عنوان الموضوع يدل على محتواه حبيت أشارك معاكم بعض المواقف التى تمت فى هذة الدورة التى يعتبرها البعض اى كلام فى اى كلام
أولا: كان عدد المتقدمين للدورة عدد ضئيل جدا (9 أفراد) مع العلم بأن عدد كبير من أبناء أوليلة فى كلية الحاسبات والمعلومات والهندسة الذين لن يقدروا هذه الدورة الا عندما يصطدموا بمشاريع التخرج
ثانيا: عدد الناجحين (6 أفراد)
ثالثا: أحد الأشخاص قام بالإنسحاب من الدورة لأسباب غير معلومة وبعد التماس العذر له (قال انه مريض) واتحنا له الفرصة ولم يحضر مجددا
رابعا: عدد الأشخاص قبل امتحانات نهاية العام الدراسى 5 أفراد بعد انسحاب مفاجئ لأحد الأفراد دون سابق انذار ودخول فرد أخر مكانه على دراية كبيرة
خامسا: توقف الدورة لمدة شهر ونصف تقريبا بسبب امتحانات أخر العام الدراسى
سادسا: الأستمرار فى الدورة بحضور أربعة أفراد فقط وغياب مستمر لأحد الأفراد
سابعا: غياب أحد الأفراد ثانية ليكون العدد الحالى للأفراد المتواجدين والملتزمين فى الدورة 3 أفراد فقط لاغير (بنتين وولد)

بعد هذا التاريخ الطويل أود أن يجيبنى أحد لماذا؟
وهل ما يقال ويقدم فى هذه الدورة ليس له قيمة أو ماذا يجرى؟
ولماذا عدم الاهتمام؟
ملحوظة هامة: المجال الوحيد الذى يحتاج لعمالة كثيرة هو مجال البرمجيات ويمكن للمبرمجين العمل من بيوتهم ان أرادوا ذلك
والسلام عليكم ورحمة الله

مواضيع عشوائية , قد تعجبك:

• صور حفل افتتاح مؤسسة الخزامي الخيرية...
• :: شهادة قيد مؤسسة الخزامى الخيرية::
• حوار بخصوص فرصه عمل لجميع الخريجين
• مركز تكنولوجيا المعلومات بمؤسسة الخزامى...
• مؤسسه الخزامي حلم اصبح حقيقه ....بالصور
• حفل افتتاح رائع ...........
• الموقع الالكتروني لمؤسسه الخزامي الخيريه
• انتظرونا قريبا : منحه مدعمه فى البرمجيات
• دورة البرمجيات فى مؤسسة الخزامى الخيرية إلى...
• الدليل التعريفي لمؤسسة الخزامي الخيرية...

وعليكم السلام ورحمه الله وبركاته
دلوقتى حضرتك يا بشمهندس بتسال الدوره نهايتها هتكون ايه مع ان المفروض من اول لما بدات الدوره دى كان يكون فى خطوط واضحه تبين ايه النظام كان على الاقل يكون فى عقد بين كل طالب والمؤسسه يكون فى شروط وقواعد بتحكم الموضوع بس مش كان فى كده خالص بالتالى الموضوع مش كان جاد اوى اوى بالنسبه لبعض الناس
كون ان فى ناس تخلت عن الدوره لسبب من الاسباب اكيد كل واحد وليه ظروفه واكيد خسر كتير طبعا لان هو مش كمل
دلوقتى بالنسبه لتلاته الى مكملين مع حضرتك مفروض هما من اول لما بدؤا مع حضرتك كان نفسهم يكملوا ويحققوا حاجه كون ان ناس مش كملت او فى مشاكل او كده مفروض دى حاجه مش تاثر فيهم لان هما دخلوا وكانوا حابين يكونوا حاجه كويسه
بس اعتقد سؤال حضرتك ده جه متاخر اوى لان مفروض من الاول خالص كانت تكون كل حاجه واضحه وماشيه بخطوط عريضه بس للاسف مش كان فى حاجه من كده خالص
واعتقد كمان مفروض حضرتك تسال الناس الى انسحبت ليه انسحبت وايه الاسباب ممكن تكون اسباب منطقيه ونقدر نحلها بحيث مش تتكرر تانى
اسفه انى طولت على حضرتك بس اكيد اتمنى اسمع رائى حضرتك

بسم الله الرحمن الرحيم

السلام عليكم ورحمة الله وبركاته

شكرا جدا على ردك ولكن من الأول كل حاجة كانت واضحة ومتفقين مع الدكتور على كل حاجة
حتى وصلنا الى انه هيكون فيه تخصص بعد كده وهيكون فيه واحد بيدرس الدورة مرارا وتكرارا فى المركز علشان اللى محضرش دى يحضر اللى بعدها
بس العدد قليل وكمان اتفقنا ان بعد الدورة الطلبة هيكونوا مبرمجين محترفين بمعنى الكلمة وهنبدأ فى عمل برامج لأهل أوليلة
غير هذا نحن بدأنا فعليا فى وضع التحليل الفنى علشان تبقى المؤسسة كلها مدارة بالبرامج اللى تساعد العاملين بها
مش هنخلى الناس تشتغل على ورق هيكون هناك برامج لإدارة المؤسسة كلها بإذن الله

بالنسبة للعقود وغيرها انا شخصيا مش حابب هذا الموضوع أنا مقدرش أرغم حد انه يشتغل وهو مش عايز لأزم اللى بيشترك يكون راجل ومتحمل للمسؤلية ويكون حابب المجال ده غير ان كل طالب بيدفع مبلغ رمزى لكل مرحلة ده غير ان لو كان فيه عقود محدش كان هيدخل الدورة من أساسه أكيد انتى عارفة أهل أوليلة كويس جدا

بالنسبة لكل واحد له ظروفة اظن ان فيه تليفون ممكن الناس تبلغ بيه عن اسباب تغيبها بس مكنش بيتم كده لسه الطلبة طلبة موصلوش لمرحلة تحمل المسؤولية ويبقوا رجالة

بالنسبة للناس اللى انسحبت مفيش اى عذر ليهم لأنهم بيتغيبوا من غير اى ابلاغ عن ظروفهم وثانيا الدورة توقفت بسبب امتحانات نهاية العام الدراسى

وموضوع البرمجيات موضوع مثير وشيق والانسان بيستفيد منه حتى فى حياته
وكمان ان انت تخرج مبرمج محترف أحسن من 20 عاديين والحمد لله احنا معانا 3 بس ربنا يبارك فيهم

والسلام عليكم ورحمة الله

السلام عليكم
يؤسفني ان الموضوع تقلص بهذا المستوى وواضح ان أبوبلاش في أوليلة ملوش قيمة... هخطط المرة الجاية ان جميع المتدربين من البهايتة وهتشوفوا الفرق....لأن معظم أبناء البهايته يحترموا انفسهم ويسعوا الى التميز...
الشخص اللي محترمشي المؤسسة والخبير الذي يقوم بالتدريس له هو شخص يستحق أن ننساه الى الأبد وسوف يندم أنه لم يحترم هذه الفرصة... وحقيقي عندما وصلني الفيديو درست نفسية المتدربين وشعرت من طريقة جلستهم على طرف الكرسي أو شكله سرحان في اللي حواليه أو بيضحك على العمال والبطال شعرت بخيبة أمل في أبناء بلدي وتوقعت ماوصلنا اليه الآن وهو تسرب هؤلاء ... ويؤسفني أنهم يكتبوا جنب أسمائهم لقب مهندس وهم لسه شوية طلاب ... ويؤسفني أيضا أنهم ينتسبون الى كليات الحاسبات والهندسة... ويؤسفني أنهم من أوليله
الله المستعان

عليكم السلام , أ.د / محمد
أقول لحضرتك الحقيقة .
اما كانوا بيرتبوا للدورة , كان احمد المشد بيكلمني كتير عنها طبعاً
وكان فيه عقود واتفاقات والتزامات على المؤسسة قبل المتدرب , ومن ضمنها ان المتدرب هيشتغل 6 شهور في المؤسسة ولحسابها وله نسبه من البروجيكت ,

ودا كلام جميل جدا , ومفيش أحسن من النظام وهو اساس اي تعاملات ناجحه

وعن نفسي
وعشان مش كنت ضامن انا هعمل ايه في الصيف , وكنت ناوي اسافر , قولت مش هورط نفسي في الالتزامات دي , عشان لو سافرت , ومش انكرت أهميه الدورة ولا اهميتها بالنسبة لي , فانا اشد المحتاجين ليها ,
بل كنت بساعد احمد في ايجاد الاشخاص المناسبة - وهو يشهد بكدا -

+++++

لكن ساعه التنفيذ , مفيش حاجه اتنفذت من دا , لا عقودات ولا التزمات , واللي عايز يدخل يدخل واللي عايز يغيب ومش ييجي كمان اوك

فكان طبيعي جدا اللي حصل , ولسه هيحصل في الدورة
بص حضرتك لاحساس المهندس مخالي وهو بيشرح لتلاته بس , وكمان مفيش الجديه الكافية منهم ,حتى لتؤهله نفسيا انه يكمل معاهم .
والمتدرب أكيد هيتشائم كل ما واحد يمشي يمزاجه ومعدش ييجي , واكيد بيغير فكرة جديه الدورة جواه , وطبعا بتآثر بالسلب

باختصار شديد
التخطيط مش اتنفذ


+

مش كل الناس عرفت بالدورة قبلها , وكان الاهتمام الاكبر بطلبة حاسبات وهندسه , على الرغم من ان أكتر الناس شغل في البرمجيات مش بيكونوا من الكليات دي

أعتقد الدورة عايزة حضور جوانا اكتر من كدا , عشان تكمل وتنجح

وطالما احنا حاسين من جوانا بالفشل , وان اوليله هي كدا وعمرها ما هتتغير , يبقى نستنى الفشل , مفيش بديل

ودي أول دورة للمؤسسة , يعني الحكم لسه قدامه اكتر من جلسه ( دورة ) .
مش تستعجل يا دكتور بالحكم علينا وعلى أهل البلد .

والمؤسسة ماشيه في الطريق الصحيح
والمركز , شركة AGC ممشياه بنجاح سريع والكل يشهد بكدا

صبرا يا دكتور , النجاح قادم باذن الله

بس لازم نشوف حل للتمويل , اقصد دخل للمؤسسة , لاني شايف اني دي اكبر عقبة حالياً , من خلال كلامي مع الباشمهندس ابراهيم عكاشة ,
شكرا جزيلا واحترامي لحضرتك وللجميع

شكرا يامحمد على ردك ودفاعك عن الزملاء المتساهلين و...و...
ربما كلامي كان قاسي شوية ولكن كان عشمي في الله ثم فيهم أكبر من ان يتخيله انسان ملىء بالطموح والحلم بأن يكون في أوليلة قريبا برج أوليلة لصناعة البرامجيات فنحن لسنا أقل من الهنود في شىء... ولكن هذا الاهمال وعدم الاهتمام خيب أملي فيهم
وبخصوص العقود اللي ذكرتها في ردك الكريم...في البداية لم يسجل الا عدد قليل جدا و أبلغني أحمد المشد أن سبب عدم تسجيل عدد كبير هو خوف الكثيرين من الالتزام والتعاقد.. وبالتالي أعطيبت تعليماتي باعطاء الصلاحية للمهندس محمد مخالى بأن يفكر في البديل وكانت فكرته راقية جدا وهى تنمية روح الانتماء بدلا من التعاقد والالتزامات ... وطبعا هذا المقترح أبهرني وأعطاني انطباع بالرقي في التعامل الذي يسعى اليه المهندس مخالي ولكن للأسف ظهر العكس... بدلا من الانتماء ظهر الاستهزاء والاستهتار... وهذه هى النتيجة... وعندما بدأ المهندس عكاشة بالتعاقد مع الشركة لتنظيم الدورات وصلني احتجاجات وكأن الدورة بتاعة المهندسين مهددة بالفشل بسبب ذلك.. واعترض البعض وحاول يصور لي المدير التنفيذي بأنه غير صالح للتعامل مع البشر والكثير من العبارات... المهم استمر الامر ونجحت فكرة المهندس عكاشة بنسبة ألف في المائة وتراجعت فكرة المهندسين الى عدد 3 فقط والله أعلم هل الثلاثة دول هيستمروا ولا بيفكروا ينسحبوا...؟؟
تحياتي

السلام عليكم ورحمة الله
أستاذى العزيز لا تراجع من قبل الأشخاص المستمرين فى الدورة وأنا عن نفسى بكمل الفكرة حتى لو كملت لوحدى وأنا استطيع بفضل الله وحمده أن اقوم بعمل برامج إدارة المؤسسة لأنى أحببت المؤسسة جدا وحابب انها تنجح وتنجح الفكرة

وعلى فكرة كل حاجة فى أولها صعبة

والسلام عليكم ورحمة الله

اولا السلام عليكم
بجد انا مش عارفه اقول ايه ولا ايه
بس احب ارد علي سيادتك يا دكتور محمد واقولك اني داخله الدوره دي وانا فعلا محتاجاها ومش متساهله ولا حاجه
بجد انا مع البشمهندس وزملائي للنهايه وبجد المفروض الحكم ميكونش بالظاهر لان الحكم علي الجميع ظلم كبير ليتا اذا كان فيه ناس مقصرين فده ميدلش ان الكل متساهل ومهمل
اما الانسحاب فده شيء مستحيل بالنسبه لي شخصيا
وحكايه ان حضرتك تجيب ناس من البهايته دي بجد ده شيء يزعل انا شايفه ان اللي ميجيش ميجيش واكيد هو اللي خسرا ن وبجد احنا بنعمل اللي علينا واكتر وبجد احنا جادين
والبشمهندس اللي بيدربنا بصراحه شغال كويس وانا استافدت كتير جدا منها واكيد الجاي احلي بس السرعه مش حلوه
وكل شيء ممكن يتحقق بالصبر واعتقد ان مش كل اوليله وحشه
معلش طولت
سلام عليكم

انا عارف اني علي طول متاخر في الرد كدا بس اعمل ايه ظروف شغلي في مدينه نصر مبيسمحليش بالمتابعه لكن وصلتني رساله من احمد المشد عبر الهاتف يخبرني فيها بان اقوم بكتابه هذا الرد نيابه عنه نظرا لانشغاله بالمشروع .
والرساله كالتالي:-
( انا طبعا مكمل فى الدوره اللى كانت فكرتى وهحقق حلمى باذن الله مهما كانت العقبات والمشاكل ).
هذه هي الرساله التي ارسلها لي احمد المشد ع الموبيل

وردي علي هذا الموضوع انه لو كان ثمره هذا العمل شخص واحد فهم الدوره واستطاع استثمار ناتجها افضل من 100 لم يتعلموا شئ فالعبره بالتعلم ليس العدد .


ومهما حاولنا خلق اعزار فنحن مقصرون كل التقصير

السلام عليكم ورحمة الله
مين اللى مقصر ؟؟؟؟؟؟؟؟؟؟